इथे स्वयं गणपती बाप्पाने दिली होती आपली मूर्ती

(चिंतामण गणेश मंदिर, सीहोर, मध्यप्रदेश)

देशभरातील गणपतीच्या प्रसिद्ध मंदिरांपैकी एक मंदिर आहे सीहोर येथील चिंतामण गणेश मंदिर.सांगितलं जातं की, येथील गणपती बाप्पा आपली प्रार्थना लवकर ऐकून घेतात. आपली चिंता दूर करतात आणि इच्छा पूर्ण करतात.येथील चिंतामण गणेश भारतातल्या चार स्वयं मूर्तींपैकी एक आहे. सीहोर येथील गणपतीबाबत सांगितलं जातं की, भगवान गणपती आजही इथे साक्षात मूर्तीच्या रुपात वास करतात. असं म्हटलं जात की, बाप्पाचे इथे पवित्र मनाने पूजन केल्यावर कधीही आपल्या भक्तांना रिकाम्या हाताने माघारी पाठवत नाहीत. याच कारणामुळे गणेश उत्सवानंतर भक्तांची अलोट गर्दी असते.

असं मानलं जातं कि, या मंदिराची स्थापना राजा विक्रमादित्याने केली होती. प्रचलित कथेनुसार राजा विक्रमादित्य यांना गणपतीची ही मूर्ती स्वयं भगवान गणेशानीच दिली. सांगितलं जातं की,विक्रमादित्य यांच्या भक्तीभावामुळे प्रसन्न होऊन भगवान गणेशजीने त्यांना दर्शन दिले आणि मूर्ती रुपात स्वत:च इथे स्थापित झाले. शिवाय सदैव भक्तांची मनोकामना पूर्ण करण्याचा आशीर्वाद दिला.

स्थानिक लोक सांगतात की, ज्या ज्या वेळेला राजा विक्रमादित्य संकटात असत किंवा चिंताग्रस्त असत तेव्हा ते इथे गणपती बाप्पाच्या शरण यायचे. यानंतर त्यांना आपल्या समस्येचे समाधान लगेच मिळायचे. अशी मान्यता आहे की, लोक इथे आपल्या समस्या घेऊन येतात. ते बाप्पांकडून आपली चिंता दूर करण्यासाठी नवस मागतात. इथे दरवर्षी गणेश उत्सवादरम्यान देश-परदेशातील भक्तांची मोठी गर्दी असते.गणेशोत्सवाला सुरू झालेली आणि दहा दिवस चालणारी मोठी यात्रा इथे भरते. चिंतामण गणेश मंदिर भक्तांना दर्शनासाठी सकाळी सूर्योदयापासून रात्री नऊ वाजेपर्यंत खुले असते.प्रसादाच्या स्वरुपात इथे गणपती बाप्पाला मोदक चढवला जातो. येतील दुकानदार मोठ्या आकाराचा मोदक बनवतात.

चिंतामण गणेशाच्या चार मूर्ती आपल्या देशात आहेत. एक सवाई माधोपूर (राजस्थान) च्या रणथंभौर येथे आहे. दुसरी मूर्ती उज्जैन ,तिसरी गुजरातमधील सिद्धपूरमध्ये आणि चौथी सीहोर येथे आहे.मंदिराला जायला सीहोर बस स्टँडवरून किंवा रेल्वे स्टेशनवरून रिक्शाने जाता येते. बस स्टँडपासून मंदिर तीन किलो मीटर अंतरावर आहे. भोपाळपासून सीहोर 35किलोमीटर अंतरावर आहे.-मच्छिंद्र ऐनापुरे,जत7038121012