माझी चित्रकारी

१९९५-९६ दरम्यान नोकरीच्या प्रारंभीच्या काळात सवड असल्याने चित्रे काढण्याचा छंद जोपासला. अलिकडच्या काळात सवड मिळत नसल्याने आणि आता या कॉम्प्युटरच्या युगात त्याला फारच वेळ द्यावा लागत असल्याने चित्रे काढण्याचा छंद मागेच राहिला. सध्या सवयसुद्धा कमी झाली आहे. कामावर फळ्यांवरचे लेखन सोडले तर चित्रकारी आता पार थांबली आहे. मुलांनी जुनी फाईल काढून ती ब्लॉगवर टाकण्याचा हट्ट धरल्याने ही चित्रे इथे टाकली आहेत. 'मैंने प्यार किया' चित्रपटातील भाग्यश्री पटवर्धन, सलमान, लक्ष्मीकांत बेर्डे, अनिल कपूर, आदींची चित्रे इथे टाकली आहेत. मला कलाकारांची चित्रे काढायला फार आवडायची. मी छत्रपती शाहू महाराज आश्रमशाळेत असताना शाहू महाराजांचे चित्र काढून शाळेला भेट दिले होते. तेही चित्र इथे टाकले आहे.