एका गावात दोन मित्र राहत होते. एकदा त्यांनी शहरात जाऊन काही तरी कामधंदा करण्याचा निर्णय घेतला. ते शहराच्या दिशेने निघाले.गावाच्या सीमेवर एक गोठलेली नदी होती. त्यांना ती नदी ओलांडावी लागणार होती. तिथे कसला पूलही नव्हता. अशातच त्यातला एक मित्र म्हणाला की, नदी पार करणं धोकादायक आहे.त्यामुळे आपल्यासाठी गावातच राहणं योग्य आहे. पण दुसरा मित्र मात्र दुसराच काही तरी विचार करत होता. त्याने मनात निश्‍चय केला होता की, कसल्याही परिस्थितीत शहरात जायचंच. आपल्या दृढनिश्‍चयासोबत तो नदी पार करण्यासाठी पुढे जाऊ लागला.
त्याचा मित्र नदीकाठाला उभा राहून त्याला रोखू पाहात होता. तो ओरडत होता की, तू पडशील.काही पावलं चालल्यावर तो मुलगा गोठलेल्या नदीवर घसरला. नदीकाठी असलेल्या मित्राने त्याला परत येण्याचा सल्ला दिला. पण तो पुन्हा उभा राहिला आणि पुढे चालू लागला. हळूहळू सावधपणे चालत त्याने शेवटी नदी पार केली.पुढे शहराकडे निघून गेला. त्याच्या मित्राने नदी पार करण्याचा प्रयत्नही केला नाही, त्यामुळे तो तिथेच राहिला.
तात्पर्य: जर तुम्ही काही निश्‍चय केला असाल तर ते तुम्ही मिळवालच.-मच्छिंद्र ऐनापुरे, जत7038121012
No comments:
Post a Comment