आरोग्य

नाश्त्यात स्वास्थाचे रहस्य

ब्रेनफूड ज्याला म्हटलं जातं, तो सकाळचा नाश्ता दिवसभरातला महत्त्वपूर्ण आहार समजला जातो. सकाळी उठल्यानंतर शरीराला ऊर्जेची नितांत आवश्यकता असते. ही आवश्यकता नाश्ता पूर्ण करतो. सकाळची न्याहरी न केल्याने ऍनिमिया ( रक्ताची कमतरता) , कॅल्शियमची कमतरता, केस झडणे आणि ऍसिडिटी यांसारखे आजार सामान्यत: आपल्याला चिकटू शकतात. त्यामुळे नाश्त्यामध्ये अशा काही पदार्थांचा समावेश करायला हवा, जेणेकरून आहार पौष्टिक तर होईलच पण स्वास्थवर्धकही असेल.
काय खाल?
अंडे उखडून खावे. यात प्रोटीन असतात. अंडे खाल्ल्याने कमीत कमी दुपारच्या जेवणापर्यंत तरी आणखी काही खाण्याची आवशयकता असणार नाही.
सकाळच्या नाश्त्याला फलाहार खूपच उपयुक्त मानला जातो. त्यामुळे एक सफरचंद, केळ, संत्री अथवा पपई आवश्य खावी.
उन्हाच्या दिवसात लस्सीसुद्धा स्वादिष्ट आणि पौष्टीक असते.
ब्रेडवर जॅम अथवा बटर यांच्याशिवाय टोमॅटो, कांदा अथवा अंड्याचे स्लाइस ठेवून त्यावर टोमॅटो कॅचप लावून खावे
केवळ दूध पिण्यापेक्षा मिल्क्शेक पिणं अधिक गरजेचे आहे. थंड दुधात बदाम, कॉफी मिसळून मिल्कशेक बनवलं जाऊ शकतं.
मोड आणलेल्या धान्यात मोठ्या प्रमाणात प्रोटीन असतात. हरभरा, मटकी, मूग, सोयाबीन रात्रभर भिजवण्यास घालून कापडात गुंडाळून ठेवावे. मोड आल्यानंतर ते चाट मिसळून खावे.