प्रकृती चंद्रा

     लखनौमधल्या सीएमएस स्कूलमधली दहावीची विद्यार्थींनी प्रकृती चंद्रा हिची सेवा भावना अनोखी आहे. केवळ चार वर्षाची असल्यापासून ती समाजसेवीशी जोडली गेली. या लहान वयात असल्यापासून ती लोकांना नेत्रदानासाठी प्रेरित करीत होती. तेव्हापासून आजतागायत ती या सेवेशी जोडली गेली आहे. आता पर्यंत ती नेत्रदानासाठी प्रेरित करण्यासाठी सडे तीन लाख लोकांपर्यत पोहचली आहे. आणि तिच्या प्रयत्नांवर प्रभावित हो ऊन 38 हजार लोकांनी नेत्रदानाचा संकल्प सोडला आहे. प्रकृतीच्या या सद्प्रयासामुळे आतापर्यंत चारशेपेक्षा अधिक लोकांच्या जीवनात प्रकाश उजळला आहे. आपल्या या अभियानाकडे लोकांचे लक्ष अकृष्ट करण्यासाठी तिने 2008 आणि 2009 मध्ये जनजागृती यात्राही आयोजित केली होती.
      पंधरा वर्षाची प्रकृती दृष्टी संरक्षण अभियानाची ब्रँड  अँबॅसिटर आहे. ती युनिसेफच्या विटामिन ए अभियानशीदेखील जोडली गेली आहे. नेत्रदानासाठी लाखो लोकांमध्ये जाग्ती करण्याच्या तिच्या प्रयत्नांमुळे तिचे नाव लिम्का बुक ऑफ रेकॉर्ड, इंडिया बुक ऑफ रेकॉर्ड आणि नॅशनल बुक ऑफ ऑनरमध्ये नाव सामिल झाले आहे. याशिवाय तिला पोगो अमेझिंग किड्स लीडर ऍवार्ड, भारत गौरव आणि राज्य शासनाचा महिला सन्मान पुरस्कार असे अनेक पुरस्कार मिळाले   आहेत. प्रकृतीचा जन्म 27 नोव्हेंबर 1998 मध्ये झाला. ती लहान होती तेव्हा ती तिच्या आईसोबत-रंजनासोबत तिच्या क्लिनिकमध्ये जात असे. या काळात तिची नेत्रहिन मुलींशी मैत्री झाली. यातलाच एक मुलगा म्हणजे शिवम. त्याला खूपच कमी दिसायचे. एक दिवस ती चेंडूशी खेळत होती. तिने चेंडू शिवमला उचलायला सांगितला. पण त्याला दिसत नसल्याने तो चेंडू उचलू शला नाही. रिचे वडिल डॉ. रुपेश कुमार यांनी सांगितलं की, कॉर्निया खराब झाल्याने त्याला दिसत नाही. ती एकदम म्हणाली, कॉर्निया खराब झाले असतील तर मेडिकल स्टोअरमधून आणायला सांगा ना! मग वडिल तिला म्हणाले, ते विकत घेतले जाऊ शकत नाहीत. पण एखाद्याने आपल्या मृत्यूनंतर कॉर्निया दान केल्यास शिवम हे जग पाहू शकतो. वडिलांनी सांगितल्यावर तिच्या बालमनावर  खोल असा परिणाम झाला. त्याचदिवशी नेत्रहिन लोकांसाठी कही तरी करण्याचा तिने निर्णय घेतला. त्यामुळे तिच्या अभ्यासावर परिणाम हो ऊ लागला. अशा वेळेला तिला तिच्या टिचर मंजित बत्रा यांनी खूप मोठी साथ दिली. प्रकृती सांगते की, नेत्रहिन लोकांसाठी आतापर्यंत जे काही करू शकले, त्यात माझ्या आई-वडिलांबरोबरच टिचर मंजित मॅडम यांचादेखील मोठा वाटा आहे.
     नेत्रदानसाथी पूर्ण वेळ देणार्‍या प्रकृतीने गेल्याचवर्षी   www.beyondthevision.in या नावाचे पोर्टल लॉंच केले आहे. या पोर्टलद्वारा नेत्रहिनांच्या शिक्षण, आरोग्य, नोकरी आणि जीवनसाथी शोधण्यासाठी त्यांना मदत केली जाते. नेत्रदानासाठी इच्छूक असलेले लोक या पोर्टलवर जाऊन नेत्रदानाचे संकल्पपत्र भरू शकतात. अशा या समाजसेविकेला मिस युनिवर्स बनायचं आहे. आणि त्याच्या माध्यमातून नेत्रहिनांसाठी मोठं काम करायचं आहे.