तुम्हाला शांत झोप हवी आहे?

     बदलत्या जीवनशैलीमुळे झोप न येणं फार मोठी समस्या झाली आहे. चांगली झोप मिळाल्यानंतर ऑफिसमध्ये दिवसभर काम करण्याची ऊर्जा मिळते. तसंच मन व शरीरही स्वस्थ राहतं आणि नेहमी आपण उत्साही राहू शकतो. त्यामुळे शांत व चांगली झोप पाहिजे असेल तर काही नियमांचं पालन करणं आवश्यक असतं.

      आजच्या धकाधकीच्या जीवनात जीवनशैलीमुळे झोप न येणे फार मोठी समस्या झाली आहे. शहरी जीवनशैली जगणार्‍या कित्येक लोकांना याची तक्रार आहे. रात्रभर झोप येत नाही, झोप येईल याची वाट बघत पूर्ण रात्र निघून जाते, मध्यरात्री मध्येच डोळे उघडून जाग येते किंवा सकाळी लवकर उठता येत नाही. आजची कॉलेज शिकणारी तरुण पिढी तर रात्री उशीरापर्यंत अभ्यास करत असते आणि मग सकाळी लवकर उठत नाही. त्यांची अभ्यास करण्याची पद्धतच बदलली आहे. अशा अनेक  कारणांवरून समजून जा की तुमच्या झोपेची पद्धत खूप चुकीची आहे.  चांगली झोप मिळाल्यानंतर ऑफिसमध्ये दिवसभर काम करण्याची ऊर्जा मिळते. तसेच मन व शरीरही स्वस्थ राहते आणि नेहमी आपण उत्साही राहू शकतो. त्यामुळे शांत व चांगली झोप पाहिजे असेल तर खाली दिलेल्या नियमांचं पालन करणं आवश्यक आहे.

* जेव्हा खरोखर झोप येत असेल तेव्हाच झोपा. उगाच झोप येत नसल्यास अंथरुणात पडून राहण्यापेक्षा काहीतरी काम करत बसा जसं की पुस्तक वाचा किंवा गाणी ऐका.

* झोप मिळणं गरजेच आहे. झोपेचं चक्र हे पूर्ण व्हायलाच पाहिजे. काही दिवस अलार्म लावून झोपू नका. कारण रात्री नीट झोप लागली नाही त्यामुळे सकाळी लवकर डोळे उघडणार नाहीत. त्यामुळे थोडे दिवस घड्याळ बघू नका, तरच तुम्हाला चांगली झोप लागेल.

* रात्री-अपरात्री लेटनाईट पार्टी किंवा सॉफ्ट ड्रिंक्स पिऊ नये. कारण त्यामुळेही झोप उशिरा येऊ शकते.

* नेहमी कार्यक्षम राहा. सकाळी नेहमी 1तास तरी व्यायाम हा केलाच पाहिजे आणि रात्रीच्या जेवणानंतर 15-20 मिनिटं चालायला जावं. अमेरिकेच्या नॅशनल फाऊंडेशनच्या सर्वेमध्ये हे सिद्ध झालं आहे की, तुम्ही व्यवस्थित दररोज व्यायाम केला तर तुम्हाला चांगली झोप येईल.

* रात्री जास्त प्रमाणात जेवण करू नये. नेहमी लाईटच खावं. रात्री 9 नंतर जेवण होत असेल तर प्रोटिनयुक्त आणि मसालेदार जेवणापासून लांब राहा, म्हणजेच काय तर मसालेदार पदार्थांचे सेवन करू नका.

*  झोपण्याची वेळ आणि उठण्याची वेळ निश्‍चित करा. तुम्ही कुठे बाहेर गेला असाल तर असं होण शक्य नाही, तरीपण आपलं रूटीन बदलू नका.

*  मन नेहमी शांत ठेवा. कारण ताण घेतला किंवा ताणतणाव असलेलं काही काम करू नका आणि असं काही बोलू नका, ज्यामुळे तुम्हाला तणाव येईल.

*  नेहमी प्रार्थना करा किंवा ध्यानधारणा करा. ज्यामुळे तुमच्या मनाला शांतता मिळेल, त्याचबरोबर तुमचे मनही शांत होईल आणि त्यामुळे तुमची श्‍वसनप्रक्रियाही सुरळीत चालेल.

*  अरोमा थेरेपीचा वापर करा, म्हणजेच लवेंडरचा सुगंध हा झोपण्यासाठी लाभदायक आहे, त्याचा वापर करा.

*  सकाळी 15 मिनिटं उन्हात बसा. ज्यामुळे तुमच्या शरीराचं बायोलॉजिकल चक्र ठीक होतं आणि हाडांनाही आराम मिळतो.

* मोजे घालून रात्री झोपू नका. त्यामुळे रक्ताभिसरणाची प्रक्रिया बिघडू शकते. त्यामुळे शरीराला अशा अवस्थेत ठेवा की, ज्यामुळे शरीराला आराम मिळू शकतो.

* झोपायच्या आधी मेंदूला आणि इलेक्ट्रॉनिक्स गॅजेट्स यांना सायलेंट मोड किंवा स्वीच ऑफ करून ठेवा किंवा स्मार्टफोन व लॅपटॉप यांना स्लीपिंग मोडवर टाका. त्यामुळे झोपेत खंड पडत नाही आणि तुम्हाला चांगली झोप लागते.