गेल्या महिन्यात
म्हणजे डिसेंबर 2017 ला नागपूर
येथे दोन दिवसाचे भव्य असे राज्यस्तरीय मराठी साहित्य संमेलन पार पडले.या संमेलनाला उदघाटक म्हणून मुख्यमंत्री देवेंद्र फडणवीस लाभले होते.
संमेलन ज्यांनी आयोजित केले होते, त्या साहित्य
विहार संस्थेच्या अध्यक्षा आशाताई पांडे आहेत.त्यांचे अवघे आयुमान
78. त्या आजही नेटाने साहित्य सेवा करतात. या क्षेत्रात
असलेल्या अनेक भाषांच्या साहित्यीकांनाही एकत्र जोडण्याचे काम करीत आहेत. साहित्य विहार नावाचे साहित्याला वाहिलेले नियतकालिक चालवले जाते शिवाय विविध
भाषांमध्ये कवींचे प्रातिनिधीक कवितासंग्रहही प्रसिद्ध केले जात आहेत.या वयातही त्यांचा उत्साह वाखाणण्याजोगा आहे.
अशा या उत्साही,चिरतरुण आशाताई पांडे यांचा जन्म
मध्यप्रदेशातला. त्यांचे कुटुंब साहित्याच्या वातावरणातले.
यामुळे त्या कविता लिहायला लागल्या. त्यांनी नागपुरातल्या
नवयुग विद्यालयात भाषा शिक्षिका म्हणून तीस वर्षे अध्यापनाचे काम केले.1999
ला सेवानिवृत्त झाल्यावर त्यांच्या लक्षात आलं की, आपल्या आयुष्यातून बर्याच गोष्टी करायच्या सुटल्या आहेत.
त्यांना साहित्याची आवड असल्याने त्यांनी याद्वारे एक साहित्यिक वातावरण
तयार करण्याचा प्रयत्न केला.मराठी साहित्याने समाज,रंगमंच आणि सिनेमा समृद्ध केला आहे.पण त्यांनी दुसर्या भाषांनाही प्रोत्साहन देण्याचा विचार केला. नागपुरात
मित्र मंडळ नावाची साहित्यिक संस्था 1971 पासून कार्यरत आहे.
त्या या संस्थेशी जोडल्या गेल्या. त्यावेळेला या
संस्थेचे एकूण 15 सदस्य होते. या संस्थेच्या
बैठका साहित्यिकांच्या घरी होत. यामुळे या संस्थेशी नवीन सदस्य
जोडले जात नव्हते.ज्यावेळेला या संस्थेची जबाबदारी आशाताई पांडे
यांनी घेतली,त्यावेळी त्यांनी या संस्थेला व्यापक स्वरुप देण्याचा
विचार केला.आपल्या देशात महिलांकडून एखाद्या मोठ्या जबाबदारीची
अपेक्षा केली जात नाही. साहजिकच त्यांना अनेक लोकांनी सल्ले द्यायला
सुरुवात केली. त्यात त्यांच्याच संस्थेचे लोकही होते.
संस्था चाललीय तशी चालू दे. तुम्ही कुठे कुठे धावपळ
करीत राहणार? अर्थात त्यांचा त्यांना विरोध नव्हता. एका निवृत्त महिलेला धावपळ त्रासाचे ठरेल, असे त्यांना
वाटे. आशाताई म्हणतात, मी साहित्याकडे फक्त
मनोरंजन या दृष्टीने पाहात नाही. साहित्यात काही नवीन,
काही खास होण्याची गरज आहे. साहित्य समाजाला काही
देत नसेल तर ते व्यर्थ आहे.

सुप्रसिद्ध बहुभाषिक कवयित्री व साहित्य विहार संस्था अध्यक्ष आशा पांडे यांचे कबीर विचार दर्शन हे पुस्तक उपराष्ट्रपती व्यंकय्या नायडू यांना भेट देण्यात आले.कुठल्याही मराठी लेखिकेने महात्मा कबीर यांच्या विचारांवर आधारित लिहिलेले हे पहिलेच पुस्तक. लेखिका आशाताई पांडे यांचा साहित्य निर्मिती उत्साह हा वाखाणण्याजोगा आहे. आशा पांडे यांनी साहित्य विहार संस्थेच्या माध्यमातून निःस्वार्थ साहित्य सेवा केली. महाराष्ट्रातील पहिल्या गजलकार ही ख्यातिप्राप्त आहे. वयाची तमा न बाळगता त्यांनी सतत उत्कृष्ट साहित्य निर्मिती केली. पाच भाषांमधून आजवर तब्बल 35 पुस्तके प्रकाशित.
ReplyDelete