हसत जगावे 12

रिझल्ट

दामू:बाबा, उद्या माझा रिझल्ट आहे.                                  

बाबा:खूप छान!

दामू: जर मी पास झालो तर तुम्ही मला काय गिफ्ट देणार?

बाबा:एक कप चहा आणि एक केक.

दामू: आणि नापास झालो तर....?

बाबा:वीस चहाचे कप आणि वीस केक!

दामू: असं का?

बाबा: कारण त्यातून तू तुझे चहाचे दुकान सुरू करू शकशील.

रात्री उन्हात 

रुग्ण:डॉक्टर साहेब, मी जेवलो नाही तर भूक लागते आणि जास्त काम केले तर थकायला होतं. मला काय करायला हवं?

डॉक्टर: रात्रभर उन्हात बस. बरा होशील.

रुमाल 

रवीना:मला गेल्या दोन-चार दिवसांपासून सर्दी आहे.चांगला उपायच सापडत नाही.

अभिमन्यू: काही वर्षांच्या कठोर मेहनतीनंतर डॉक्टर या निर्णयापर्यंत पोहचले आहेत की, सर्दीवर सगळ्यात चांगला उपाय म्हणजे ..... रुमालच आहे.

कोल्ड ड्रिंक 

वाघ: थांब, मी तुझे रक्त पिणार आहे.

म्हातारा: अरे, माझं रक्त थंड पडलय.एकाद्या तरुणाचं गरम रक्त पी.तुला त्याचा फायदाच होईल.

वाघ: गप्प बस! आज मला कोल्ड ड्रिंक पिण्याचा मूड आहे.

अंथरुण

शिक्षक: 'अंथरुण पाहून पाय पसरावे' याचे एक वाक्य बनवा.

रमेश:माणसाने अंथरुण पाहून पाय पसरावे, नाही तर थंडी वाजेल.

साप 

राजू: चला, आज खेळ इथेच थांबू. मला घरी जायचं आहे.

विजू: का रे! इतकी काय गडबड आहे.काही खास काम आहे का?

राजू: हो, अरे, तुला माहीत नाही का? आज टीव्हीवर 30 फूट लांब साप दाखवणार आहेत.

विजू: मला तर गड्या पाहताच येणार नाही.

राजू: का रे ? 

विजू: अरे, आमचा टीव्ही 21 इंचाचा आहे.

ढोल 

एक मदारी रस्त्याच्या कडेला ढोल वाजवून माकडांचा खेळ दाखवत होता. जसजसा मदारी ढोल वाजवायचा, तसतसे माकड पंचवीस फूट बांबूवर पटापट चढायचा आणि ऊतरायचा.हे पाहून दोन चोरांनी विचार केला की, जर हे माकड आपल्याजवळ असते तर आपल्याला दरवाजा तोडण्याची गरजच नाही. माकड वर चढून आत जाईल आणि कडी काढेल.त्यांनी मदारीकडून माकड मोठ्या किंमतीला विकत घेतले. नंतर त्यांनी घरांच्या छतावर कसे चढायचे, आत जाऊन कडी कशी काढायची याचे प्रशिक्षण दिले. सगळी तयारी झाल्यावर एके रात्री  ते एका बंगल्याच्या पाठीमागच्या बाजूला गेले.त्या॑नी बांबू भिंतीला लावला आणि ते बाजूला उभे राहिले. माकड चार फूट वर चढला आणि तिथेच थांबून चोरांकडे पाहू लागला. एका चोराने त्याला शिवी देत वर चढायला सांगितले. 

दुसरा चोरही रागाने म्हणाला,"नालायका, बघतोस काय आमच्याकडे!चढ लवकर वर."

माकडाने 'नालायक' शब्द ऐकून खाली उडी घेतली आणि म्हणाला,"गाढवांनो, मी चढणार कसा? तुम्ही ढोल कुठे वाजवलाय!"