महिलांची किटी पार्टी चालली होती. मिसेस नाईक नव्यानंच पार्टी जॉईन केलेल्या मिसेस पवारांशी ओळख वाढवण्याच्या इराद्याने त्यांच्याजवळ सरकल्या. मिसेस पवार कुणाशी तरी मोबाईलवर बोलण्यात गुंतल्या होत्या. बोलणं झाल्यावर मोबाईल ऑफ करून मिसेस पवार अगदी हसतमुखानं मिसेस नाईकांशी भेटल्या. त्यांच्या गप्पा चालल्या असतानाच पुन्हा मिसेस पवारांचा मोबाईल वाजला. "एक्सक्युज मी'' म्हणत त्यांनी फोन रिसीव्ह केला. तोच मिसेस नाईकांची नजर पवारांच्या मोबाईलवर पडली. अगदीच स्वस्तातला मोबाईल पाहून आश्चर्यात पडल्या. आता त्यांनी मिसेस पवारांना तिथंच सोडलं आणि मिसेस घाटगेंकडे गेल्या.
आता मिसेस नाईक घाटगेंना सांगत होत्या," मिसेस पवारचा मोबाईल हँडसेट तर पाहा, किती भिकारडा! जेमतेम हजार रुपड्यांचाच असेल, बाई! ती नक्कीच मिडल क्लास असली पाहिजे. साडी आणि चप्पलदेखील स्वस्तातलीच दिसतेय. अहो, मी तर माणसाची लायकी पाहूनच त्यांच्याशी मैत्री करते."
No comments:
Post a Comment